Ushbu ruknimizdagi eng so‘nggi yangiliklar bilan tanishtirishda davom etamiz.
Ektor nishonda
Turinning “Yuventus” jamoasi tez orada “Arsenal” jamoasi himoyachisi Ektor Belyerin bilan shartnoma imzolashi mumkin.
CDS nashrining ma’lum qilishicha, “zebralar” ispanni qo‘lga kiritish uchun 30 million yevrodan voz kechishga tayyor.
Manbaning ma’lum qilishicha, “Arsenal” ustozi Mikel Arteta Belyerinni jamoada olib qolmoqchi emas. Shu sababli, ushbu transfer tez orada amalga oshishi mumkin.
Sergey PSJda?!
Yaqindagina YECHLning final o‘yinida maydonga tushgan PSJ “Lasio” klubi yarim himoyachisi Sergey Milenkovich-Savich bilan shartnoma imzolashi mumkin.
CDSnashri bergan ma’lumotlarga qaraganda, Tomas Tuxel serb futbolchisi bilan maydon markazini kuchaytirishni reja qilmoqda.
Manbaning ma’lum qilishicha, Parij klubi tayanch yarim himoyachisi uchun 72 million yevro taklif etadi. Ushbu summa katta ehtimol bilan “burgutlar”ni qanoatlantiradi.
“Lids” jiddiy kirishdi
Angliyaning “Lids” klubi “Brayton” himoyachisi Ben Uaytning transferidan voz kechdi va bor e’tiborini “Lasio” klubi futbolchisi Luis Filipega qaratdi.
“La Lazio” nashrining ma’lum qilishicha, “Lids” braziliyalik himoyachini qo‘lga kiritish uchun “burgutlarga” 30 million funt taklif qilgan.
Manbaning ma’lum qilishicha, Rim klubi o‘z futbolchisini 40 milliondan kamiga qo‘yib yubormoqchi emas.
“Arsenal” ishga kirishdi
Londonning “Arsenal” jamoasi “Bavariya” yarim himoyachisi Tyago Alkatanara bilan shartnoma imzolashi mumkin.
“Daily Exspress” nashrining ma’lum qilishicha, Mikel Arteta allaqachon ispaniyalik futbolchi bilan aloqaga chiqqan va uni o‘z jamoasida ko‘rmoqchi.
Manbaning ma’lum qilishicha, London klubi “Bavariya”ga yarim himoyachi uchun 25 million funt sterling taklif qilmoqda.
Marselo Brozovich PSJda?!
Milanning “Inter” klubi yarim himoyachisi Marselo Brozovich PSJ klubi nishonida turibdi.
“Le10sport” nashrining ma’lum qilishicha, 27 yoshli xorvat bilan PSJ allaqachon shaxsiy shartnoma borasida kelishuvga erishgan.
Manbaning ma’lum qilishicha, “Inter” Brozovichning transferidan kelib tushgan pulni Sandro Tonalini qo‘lga kiritishga sarf etadi.
