«Dinamo» jamoasi Pro ligada yuzaga kelgan majburiy tanaffus vaqtidagi yozgi transfer oynasida o‘z tarkibida bir qator o‘zgarishlarga qo‘l urdi.
Klub bosh murabbiyi Sergey Lushan qo‘l ostida o‘tgan bir yarim oy vaqt davomidagi o‘quv-mashg‘ulot yig‘inidan keyin tarkibda bir qator o‘zgarishlar kuzatildi.
Xususan, «Dinamo» jamoasi darvozabon Shohrux Eshbo‘tayev, himoyachilar Alisher Yusupov, Bunyod Isroilov, Jasur O‘rinov, yarimhimoyachilar Temur Sharipov, Jasur Azimov, Nizom Norov singari futbolchilar bilan do‘stona xayrlashdi.
Jamoa tarkibiga esa darvozabon Erkin Jabborov (Oqtepa), himoyachilar Obid Jo‘raboyev (Navbahor), Iskandar Siddiqjonov, Shahzodbek Hamidov, yarimhimoyachilar Eldor Boymatov (Surxon), Farhod Namozov, Jahongir Ahmadov (Paxtakor), Suhrob Nurulloyev (Metallurg), Andrey Sidorov (Xo‘jand, Tojikiston), Oybek Nurmatov (So‘g‘diyona) singari futbolchilar taklif etildi. Shuningdek Samarqand viloyat futbol akademiyasidan 3 nafar yosh futbolchilar jalb etildi.
