Bugun G‘uzorda Pro liganing 4-turidan o‘rin olgan "Sho‘rtan" hamda "Neftchi" jamoalari o‘rtasidagi bahs bo‘lib o‘tdi.

Bellashuvning birinchi bo‘limi mezbonlarning xujumlari bilan boshlangan bo‘lsa, bo‘lim o‘rtalariga kelib o‘yin surati tenglashdi. Har ikkala jamoa xavfli xujum uyushtirishga harakat qildi. Ammo, tanaffusga jamoalar 0:0 hisobi bilan chiqdilar.

Ikkinchi bo‘limda hujumlarga zo‘r bergan mehmonlar 60-daqiqaga kelib hisobni ochishga muvaffaq bo‘lishdi. Gol muallifi Dostonbek Toshmatov. Goldan keyin ham farg‘onaliklar ancha faol harakatlanib, havfli vaziyatlarni yaratishda davom etishdi. Lekin, uchrashuv yakuniga bir daqiqa qolganda mezbonlar muvozanatni tiklashga erishdilar 1:1. Bosh hakam tomonidan qo‘shib berilgan to‘rt daqiqa esa mezbonlarga omad keltirdi va ular ikkinchi to‘pni kiritib, 2:1 hisobida  g‘alabaga erishdilar.

"Sho‘rtan"-"Neftchi"  2:1 (0:0)
Gollar: Dostonbek Toshmatov 60 (0:1), Shokir Yo‘ldoshev 89 (1:1), Shahboz Jo‘rayev 90+3 (2:1)