Londonning "Tottenxem" klubi sobiq bosh murabbiyi Maurisio Pochettino Kataloniyaning "Barselona" klubi hujumchisi Lionel Messini "Manchester Siti"ga ko‘chib o‘tishi mumkinligi haqidagi xabarlarga o‘z munosabatini bildirdi.
"Hamma narsa ro‘y berishi mumkin. Messi qayerda xohlasa o‘sha yerda o‘ynay oladi, hoh u APL, hoh La Liga bo‘lsin. U istalgan liganing yetakchisi bo‘lishga tayyor", - Pochettinoning so‘zlaridan iqtibos keltirmoqda Ole.
Eslatib o‘tamiz, Messi kelasi yili yakuniga yetadigan shartnomasini "Barselona" bilan bekor qilishga harakat qilmoqda. Klub rahbariyati esa argentinalik futbolchini tarkibda saqlab qolmoqchi, hatto u bilan shartnomani uzaytirmoqchi.
