Angliyaning «Nyukasl» klubi o‘zining rasmiy sayti orqali, klubni sotish ishlari muvaffaqiyatsizlikka uchragani haqida rasmiy bayonot berdi. Klubning hozirgi xo‘jayini Mayk Eshli ushbu masala yuzasidan Saudiya Arabistoni kompaniyasi bilan muzokara olib borgandi. Tomonlar klubni arablarning qo‘liga o‘tishi borasida kelishuvga erishgandi, biroq, Angliya Premyer-ligasi rahbariyati ushbu bitimga ta’qiq qo‘ydi.
«Nyukasl» rahbariyati APLga klubni sotib olmoqchi bo‘lgan kompaniya Saudiya Arabistoni hukumatiga tegishli emasligini isbotlab berdi. «Nyukasl» Premyer-liganing ijrochi direktori Richard Mastersga ushbu bitim to‘laqonli ravishda qonuniy bo‘lishiga ishontirdi. Biroq, APL baribir klubning sotilishiga qarshilik qildi.
Shu tariqa, Eshli «Nyukasl»ning xo‘jayini sifatida qoladigan bo‘ldi. Iste’foga chiqishi mumkinligi haqidagi tarqalgan mish-mishlarga qaramay, u jamoa bosh murabbiyi Stiv Bryusni qo‘llab-quvvatladi.
