"Barselona" hujumchisi Luis Suares "Yuventus" safiga o‘tish maqsadida Italiya fuqaroligini olishga harakat qilmoqda.
Urugvaylik futbolchi italyan tili bo‘yicha test topshirdi va B1 darajasini qo‘lga kiritdi. Bu haqda "La Gazzetta dello Sport" xabar tarqatdi.
Suares barcha bosqichlardan muvaffaqiyatli o‘tib, Italiya pasportini qo‘lga kiritadigan bo‘lsa, u "Yuve" safida legioner hisoblanmaydi. Turinliklar safida esa Yevropa ittifoqi hisoblanmaydigan legionerlar limiti to‘lib bo‘lgan. Shu bois, Luisga Yevropa mamlakati fuqaroligi juda zarur.