Portugaliyalik mutaxassis o‘zining yorqin fikrlari bilan matbuot anjumanlarini bezashda davom etmoqda.
"Tottenxem"ning "Sautgempton" klubiga qarshi bo‘lib o‘tadigan uchrashuvdan avval tashkil etilgan matbuot anjumanida Mourinodan safga qaytgan Dele Alli haqida so‘rashdi.
«Siz mendan Dele haqida so‘radingiz, lekin men Bolgariya olib ketmagan o‘sha yetti nafar futbolchi haqida nima deyishim mumkin? Menga jamoamdagi futbolchilarning soni unchalik ham yoqmaydi. Vaziyat bilan kurashish qiyin, chunki, futbolchilar juda ko‘p.
APLda yetti nafar futbolchi zahirada bo‘lishi mumkin? Ajoyib qaror, boshqa nimayam deyish mumkin… O‘ylaymanki, zahirada to‘qqiz nafar futbolchining bo‘lishi rotasiya va hozirgi paytdagi vaziyatda dam olish uchun imkoniyat yaratgan bo‘lardi», – dedi Mourinyo.
