“Manchester Yunayted” yangi mavsumga ligadagi eng uzun mag‘lubiyatsiz seriya bilan kirib kelmoqda – 14 o‘yin. Haqiqatdan “lokdaun”dan biroz avval va keyin MYU qanday o‘yin ko‘rsatganini barchamiz eslaymiz. Ko‘pincha Brunu Fernandesh bilan bog‘lanayotgan muvaffaqiyat aslida butun jamoaniki, albatta.

Transfer bozori ochiq ekan (5 oktyabrgacha) Sulsherni bu borada omadsizga chiqarmagan bo‘lardim. To‘g‘ri, Sancho atrofidagi voqealar juda cho‘zilib ketdi. Keyin, o‘yini keskin kuchaynan Grinvudni zahiraga mixlash bilan yakunlanishi ehtimoli yuqori bo‘lgan bu transfer shunchalik kerakmi o‘zi? Ko‘p ehtimol kerak. Meyson juda yosh va Deydonni kelishi uning uchun katta chaqiriq bo‘ladi. Lekin, Donni van De Bik, Pol Pogba va Brunu Fernandeshni bir vaqtda maydonga tushurishga urinib ko‘rmoqchi bo‘lgan Ole bu ikkisi bilan ham bir yo‘l topsa kerak.

Ochig‘i, klub menga borgan sari Sulsher o‘zi maydonda harakat qilgan davrlarni eslatib yuboryapti. Albatta, yetakchilar bor. Ammo, barchasi mutlaq ularga bog‘lanib qolmagan. Fernandeshchi, deyisizmi? Bilmam. Taxminimga ko‘ra, bu mavsum endi u ham ko‘proq jamoaga singib oladi. Alohida emas, bir butun mehanizmning qismiga aylanadi. Ko‘ramiz.

Birinchi turni o‘tkazib yuborgan MYU mavsumni “Kristal Pelas”ga qarshi boshlaydi. Qulay raqib. Qariya Roy Xodjson shogirtlari o‘tgan mavsumni 14 pog‘onada yakunlagan-u, ammo, bugungi raqibga qarshi bir o‘yinda g‘alaba qozongani ham bor, darvoqe – 1:2. Ha, o‘shanda ham “Old Traffor”dagi o‘yin edi, bugungisi kabi...