Myunxenning «Bavariya» klubi himoyachisi Lukas Ernandes YECHL guruh bosqichi uchun tashlangan qur’a haqidagi fikrlari bilan o‘rtoqlashdi.
- Guruh bosqichida sobiq jamoam - «Atletiko»ga qarshi bahs olib borishimizdan xursandman. Bu - men futbolchi bo‘lib o‘sgan, menga ko‘p narsalarni bergan va haligacha iliq aloqalarni ushlab qolgan klub sanaladi. Ularga qarshi o‘yinlar juda qiyin bo‘ladi, chunki ular himoyada juda tartibli o‘ynaydi va o‘z safiga yangi ajoyib hujumchilarni qo‘shib oldi. Ular bizga muammo tug‘dirishlari aniq, shuning uchun ularni mag‘lub etish uchun bor kuchimizni ishga solishimiz kerak, — Ernandesning so‘zlaridan iqtibos keltirmoqda «Bavariya» rasmiy sayti.
