Мюнхеннинг «Бавария» клуби ҳимоячиси Лукас Эрнандес ЕЧЛ гуруҳ босқичи учун ташланган қуръа ҳақидаги фикрлари билан ўртоқлашди.
- Гуруҳ босқичида собиқ жамоам - «Атлетико»га қарши баҳс олиб боришимиздан хурсандман. Бу - мен футболчи бўлиб ўсган, менга кўп нарсаларни берган ва ҳалигача илиқ алоқаларни ушлаб қолган клуб саналади. Уларга қарши ўйинлар жуда қийин бўлади, чунки улар ҳимояда жуда тартибли ўйнайди ва ўз сафига янги ажойиб ҳужумчиларни қўшиб олди. Улар бизга муаммо туғдиришлари аниқ, шунинг учун уларни мағлуб этиш учун бор кучимизни ишга солишимиз керак, — Эрнандеснинг сўзларидан иқтибос келтирмоқда «Бавария» расмий сайти.
