Ushbu ruknimizdagi eng so‘nggi yangiliklar bilan tanishtirishda davom etamiz.
«Lids» uni qo‘ldan chiqardi
Angliyaning «Lids» klubi yarim himoyachisi Mikayel Kyuizans faoliyatini APLda davom ettirmasligi aniq bo‘ldi.
“The Atheltic” nashrining ma’lum qilishicha, 21 yoshli fransuz tibbiy ko‘rikdan o‘ta olmagan. Uning jarohatidan qolgan asoratlar bunga sabab bo‘lgan.
Manbaning ma’lum qilishicha, «Lids» futbolchi uchun 20 million yevro sarf etishga tayyor edi. Mikayel bilan esa, 4 yillik shartnoma tuzish borasida muzokaralar boshlagan chog‘da, transfer barbod bo‘ldi.
Rayn Bundesligada?!
Angliyaning «Tottenhem» klubi universal himoyachisi Rayn Sesenyon faoliyatini Bundesligada davom ettirishi mumkin.
«Sky Sport» nashrining ma’lum qilishicha, «Xoffenxaym» klubi ingliz futbolchisini ijaraga olish borasida muzokaralar olib bormoqda.
Manbaning ma’lum qilishcha, «Gerta» jamoasi ham Sessenyon bilan shartnoma imzolash niyatida.
«Liverpul» futbolchisi «Sheffild»ga o‘tadi
Angliyaning «Liverpul» klubi hujumchisi Rayan Bryuster faoliyatini «Sheffild»da davom ettiradi.
Goal nashrining ma’lum qilishicha, 20 yoshli hujumchi uchun «Sheffild» 18 million funt sarf etadi.
Manbaning ma’lum qilishicha, «Liverpul» Bryusterni qayta sotib olish huquqini saqlab qolgan holda «Sheffild»ga sotadi.
«Tottenhem» himoyachi izlamoqda
Angliyaning «Tottenhem» klubi markaziy himoyachi izlashda davom etmoqda.
Goal nashrining ma’lum qilishicha, «shporlar» radariga «Yuventus» himoyachisi Merih Demirel tushib qoldi.
Manbaning ma’lum qilishicha, Turin klubi o‘z futbolchisini sotmoqchi emas. Voqealar rivojini kuzatishda davom etamiz.
