Italiyaning "Inter" himoyachisi Milan Shkrinyar jamoani tark etmasligi mumkin. Avvalroq futbolchi Londonning "Tottenxem" klubiga o‘tishga yaqin turgani haqida xabar berilgandi.
Italiya matbuotining yozishiga qaraganda, "Inter" klubi 25 yoshli futbolchini sotib yuborishga tayyor, faqat uning o‘rnini bosadigan himoyachi topgan taqdirdi. "Shporlar" himoyachi uchun 50 million yevro sarf qilishga tayyor.
"Inter" safida uch mavsum to‘p surgan Shkrinyar 128 ta uchrashuvda maydonga tushib, 4 ta gol kiritdi va 4 ta golga hammualliflik qildi.
