Италиянинг "Интер" ҳимоячиси Милан Шкриньяр жамоани тарк этмаслиги мумкин. Аввалроқ футболчи Лондоннинг "Тоттенхэм" клубига ўтишга яқин тургани ҳақида хабар берилганди.
Италия матбуотининг ёзишига қараганда, "Интер" клуби 25 ёшли футболчини сотиб юборишга тайёр, фақат унинг ўрнини босадиган ҳимоячи топган тақдирди. "Шпорлар" ҳимоячи учун 50 миллион евро сарф қилишга тайёр.
"Интер" сафида уч мавсум тўп сурган Шкриньяр 128 та учрашувда майдонга тушиб, 4 та гол киритди ва 4 та голга ҳаммуаллифлик қилди.