Italiyaning «Napoli» klubi o‘z hujumchisi Arkadiush Milikka nisbatan qo‘pol muomilada bo‘ldi. Futbolchi jamoasi bilan yangi shartnoma imzolashdan bosh tortdi. Yakunda «Napoli» talab qilgan mablag‘ni hech kim to‘lab bera olmadi. Endi futbolchi klub ishtirok etadigan hech bir turnirning ro‘yxatidan o‘tmadi va yakka tartibda shug‘ullanmoqda.
«Napoli» menga ultimatum qo‘ydi: yo yangi shartnoma imzolashim kerak edi yoki ketishim. Pandemiya vaziyatni qiyinlashtirdi, menda bir nechta takliflar bor edi.
Men hech qaysi musobaqa uchun ro‘yxatdan o‘tmaganimni bilish og‘ir bo‘ldi. Men bu haqda matbuot orqali xabar topdim. Bu noprofessional munosabat. Menga nisbatan yomon munosabatda bo‘lishdi. Biroz muddat qiyinchilikka duch kelaman, ammo men barcha qiyinchilikni yengib o‘tishga harakat qilaman», – dedi futbolchi Sportowefakty.pl saytiga bergan intervyusida.
Milik ikki mavsum ketma-ket «Napoli» klubi to‘purariga aylangandi.
