Yarim himoyachi Lukas Torreyraning otasi Rikardo Londonning "Arsenal" klubi bosh murabbiyi Mikel Artetani tanqid qildi.
Torreyra «Arsenal» tarkibida Premyer-Liganing yangi mavsumida bir daqiqa ham maydonga tushmadi. Yozgi transfer oynasi yopilishi oldidan futbolchi Madridning «Atletiko» klubiga ijara asosida ko‘chib o‘tdi.
«Lukas bor imkonini ishga solib, maydonga tushish uchun jonini tikishga tayyor edi, biroq, bu «Arsenal»ning hozirgi bosh murabbiyiga bog‘liq edi. U o‘g‘limni o‘z rejalariga kiritmadi. Lukas zahira o‘rindig‘ida o‘zi xohlagani uchun emas, balki bosh murabbiyning qarori bilan o‘tirib qoldi. Nafaqat Urugvayda, balki butun dunyoda qadrlanayotgan 24 yoshli futbolchi faqatgina o‘ynashi kerak.
«Arsenal»dagilar o‘g‘limni bir daqiqa ham maydonga tushirmaslikka qaror qilishdi. Shu bilan birga, Lukas "Arsenal"da yangi bosh murabbiy paydo bo‘lsa, klubi uchun bor imkoniyatini ishga solishga tayyor», - dedi Rikardo Daily Star bilan suhbatda.
