Ярим ҳимоячи Лукас Торрейранинг отаси Рикардо Лондоннинг "Арсенал" клуби бош мураббийи Микел Артетани танқид қилди.
Торрейра «Арсенал» таркибида Премьер-Лиганинг янги мавсумида бир дақиқа ҳам майдонга тушмади. Ёзги трансфер ойнаси ёпилиши олдидан футболчи Мадриднинг «Атлетико» клубига ижара асосида кўчиб ўтди.
«Лукас бор имконини ишга солиб, майдонга тушиш учун жонини тикишга тайёр эди, бироқ, бу «Арсенал»нинг ҳозирги бош мураббийига боғлиқ эди. У ўғлимни ўз режаларига киритмади. Лукас заҳира ўриндиғида ўзи хоҳлагани учун эмас, балки бош мураббийнинг қарори билан ўтириб қолди. Нафақат Уругвайда, балки бутун дунёда қадрланаётган 24 ёшли футболчи фақатгина ўйнаши керак.
«Арсенал»дагилар ўғлимни бир дақиқа ҳам майдонга туширмасликка қарор қилишди. Шу билан бирга, Лукас "Арсенал"да янги бош мураббий пайдо бўлса, клуби учун бор имкониятини ишга солишга тайёр», - деди Рикардо Daily Star билан суҳбатда.
