Angliyaning "Manchester Siti" klubi bosh murabbiyi Xosep Gvardiola golf o‘yini ortiqcha bosimdan halos bo‘lishga yordam berishini tan oldi.

«Siz har doim sportning boshqa turlarini o‘rganishingiz mumkin. Golfda psixologik yondoshuv muhim ahamiyatga ega. Men golf o‘ynayman va ruhiyatimni mashq qildiraman. Futbol o‘yini davomida murabbiylar katta bosim ostida qoladi, golf esa bu borada yordam beradi.

Siz xato qilishingiz va noto‘g‘ri qaror qabul qilishingiz mumkin, lekin sohta bo‘la olmaysiz. Agar siz sohta bo‘lmoqchi bo‘lsangiz, buni hamma sezadi. Shuning uchun men o‘zimni kuchliman deb ko‘rsata olmayman. Men kuchli bo‘lishim kerak», — dedi Gvardiola.