«Tottenxem» bosh murabbiyi Joze Mourinyo Angliya chempionatining 5-turi doirasida bo‘lib o‘tgan «Vest Xem»ga qarshi bo‘lib o‘tgan o‘yin (3:3) borasida o‘z fikrini bildirib o‘tdi.

«Bu futbol. Albatta, men ikkinchi bo‘limni tahlil qilishim kerak. Ammo bu ishni omma uchun qilmayman. Siz uchun shuni aytamanki, bu futbol va «Vest Xem»ning o‘ziga bo‘lgan ishonchini ta’kidlash lozim.

0:3 hisobida ortda borayotib va o‘yin borasida har tomonlama yutqaza turib, vaziyatdan chiqib ketishga bo‘lgan ishonchni saqlab qolish oson emas. Bu jamoa o‘tgan mavsumdagi klub emasligini bilardim. Ammo 3ta to‘p farqdagi ustunlik qo‘ldan chiqarish — biz uchun jiddiy jazo. Bu esa haqli jazo.

Men maydon chetida turib tahlil qildim va shunday xulosaga keldimki, ba’zi narsalar kontekstdan tushib qoldi. Gollar standart vaziyatlardan so‘ng urildi. Shuningdek, avtogol ham bo‘ldi, to‘pni yo‘qotganimizdan keyin ham gol urildi.

Biz o‘yinni nazorat qildik. Keyn o‘yin taqdirini hal qilishi mumkin bo‘lgan vaziyatda darvoza ustunini nishonga oldi. Shuningdek, Beyl ham g‘olib jamoa haqida savolga nuqta qo‘yishi kerak edi. Biz to‘rtinchi golni urishimiz kerak edi, ammo bu futbol.

Jamoa nazoratni qo‘ldan chiqara boshladi, ammo Uinks maydonga tushishi bilan biz yana nazorat va balansni qaytardik. O‘yinni nazorat qilayotgan paytimizda to‘p o‘tkazdik va ularda o‘ziga bo‘lgan ishonchning oshishiga yordam berdik.

Shogirdlarim esa ruhiy jihatdan u qadar kuchli bo‘lishmadi. Bahs tugashiga bir necha soniya qolganida 2 ochkoni qo‘ldan chiqardik.

Standart vaziyatlarda hamma narsaga tayyor bo‘lishimiz kerakligini aytgandim. Raqib bu tomonlama kuchli bo‘ldi. Ularga omad kulib boqishi uchun oxirigacha kurashdik. "Vest Xem"ni tabriklayman. Bu o‘yin bizning qo‘limizda edi, ammo biz 2 ochko yo‘qotdik», – dedi Mourinyo.