Rimning «Lasio» klubi bosh murabbiyi Simone Indzagi «Borussiya» (3:1) ustidan qozonilgan g‘alaba haqida fikr bildirdi.
«Kuchli raqibga qarshi ko‘rsatgan o‘yinimiz menga yoqdi. Raqib tarkibida juda iqtidorli yarim himoyachi va hujumchilar bor. Jamoam yaxshi o‘yin o‘tkazdi, o‘zini qurbon qildi va yuzaga kelgan vaziyatlardan foydalana oldi.
Tarkibimizda bir qator futbolchilar yo‘q edi, ular tarkibga qaytadigan bo‘lsa, o‘ylaymanki, A Seriyada ham, YECHLda ham, Italiya Kubogida ham raqobatdosh jamoaga aylanamiz.
Guruhimizda hech narsa aniq emas. «Bryugge» Rossiyada g‘alaba qozondi, lekin men haligacha «Borussiya» guruhimizning favoriti deb hisoblayman», – dedi Sky Sport Italia.
