Римнинг «Лацио» клуби бош мураббийи Симоне Индзаги «Боруссия» (3:1) устидан қозонилган ғалаба ҳақида фикр билдирди.
«Кучли рақибга қарши кўрсатган ўйинимиз менга ёқди. Рақиб таркибида жуда иқтидорли ярим ҳимоячи ва ҳужумчилар бор. Жамоам яхши ўйин ўтказди, ўзини қурбон қилди ва юзага келган вазиятлардан фойдалана олди.
Таркибимизда бир қатор футболчилар йўқ эди, улар таркибга қайтадиган бўлса, ўйлайманки, А Серияда ҳам, ЕЧЛда ҳам, Италия Кубогида ҳам рақобатдош жамоага айланамиз.
Гуруҳимизда ҳеч нарса аниқ эмас. «Брюгге» Россияда ғалаба қозонди, лекин мен ҳалигача «Боруссия» гуруҳимизнинг фаворити деб ҳисоблайман», – деди Sky Sport Italia.
