Fransiyaning «Pari Sen-Jermen» klubi hujumchisi Neymar futbol qiroli Peleni tug‘ilgan kuni bilan tabrikladi. Futbol qiroli - Pele 23 oktyabr kuni 80 yoshni qarshi oldi.
«Hech kim Siz bilan taqqoslanmaydi. Futbol uchun qilgan barcha ishlaringiz uchun rahmat. Yashasin, qirol! Tug‘ilgan kuningiz bilan, qirol - Pele!», – deb post qoldirdi Neymar ijtimoiy tarmoqlarda.
Pele – uch marta jahon chempioniga aylangan yagona futbolchi sanaladi.
U faoliyati davomida 1363 ta o‘yin o‘tkazib, 1281 ta gol kiritgan. Pele ushbu gollarni «Santos», «Nyu-York Kosmos» klublari va Braziliya terma jamoasida kiritgan. Hozircha hech kim uning rekordini yangilay olmayapti.
