Франциянинг «Пари Сен-Жермен» клуби ҳужумчиси Неймар футбол қироли Пелени туғилган куни билан табриклади. Футбол қироли - Пеле 23 октябрь куни 80 ёшни қарши олди.

«Ҳеч ким Сиз билан таққосланмайди. Футбол учун қилган барча ишларингиз учун раҳмат. Яшасин, қирол! Туғилган кунингиз билан, қирол - Пеле!», – деб пост қолдирди Неймар ижтимоий тармоқларда.

Пеле – уч марта жаҳон чемпионига айланган ягона футболчи саналади.

У фаолияти давомида 1363 та ўйин ўтказиб, 1281 та гол киритган. Пеле ушбу голларни «Сантос», «Нью-Йорк Космос» клублари ва Бразилия терма жамоасида киритган. Ҳозирча ҳеч ким унинг рекордини янгилай олмаяпти.