Turinning "Yuventus" klubi hujumchisi Krishtianu Ronaldu YECHLning 2-turida Kataloniyaning "Barselona" klubiga qarshi bo‘ladigan uchrashuvda maydonga tushmaydigan bo‘ldi.
Italiya matbuotining tarqatgan ma’lumotiga qaraganda, portugaliyalik futbolchining koronavirus uchun topshirgan test natijasi yana ijobiy chiqdi. U ushbu kasallikni 13 oktyabr kuni yuqtirib olgani ma’lum bo‘lgandi. O‘shandan beri u karantinda edi, biroq, Ronalduning uchinchi marta topshirgan test natijasi ham ijobiy bo‘lib chiqdi.
"Yuventus" - "Barselona" jamoalari o‘rtasidagi bahs 28 oktyabr kuni bo‘lib o‘tadi.
