Yevropa Chempionlar Ligasining 2-turidan o‘rin olgan bir qator uchrashuvlar 28 oktyabr, chorshanba kuni bo‘lib o‘tdi.

«Chelsi» jamoasi safarda «Krasnodar»ga qarshi bahs olib bordi. Uchrashuvning 37-daqiqada Kallum Hadson-Odoi londonliklarni oldinga olib chiqdi.

Ikkinchi bo‘limda mehmonlar yana uch bor «Krasnodar» darvozasini ishg‘ol qildi. Timo Verner 76-daqiqada penaltini aniq amalga oshirgan bo‘lsa, oradan uch daqiqa o‘tib Hakim Ziyosh jamoasining uchini golini urdi. So‘nggi daqiqalarda Kristian Pulishich yakuniy hisobni o‘rnatdi.

PSJ esa «Istanbul Bashakshehir» maydonida mehmon bo‘ldi. Moyze Kinning dubli parijliklarga g‘alaba keltirdi.

YECHL, 2-tur
28 oktyabr, chorshanba
«Krasnodar» Rossiya — «Chelsi» Angliya 0:4
Gollar: 0:1 – 37 Hadson-Odoi, 0:2 – 76, penalti Verner, 0:3 – 79 Ziyosh, 0:4 – 90 Pulishich.
«Krasnodar»: Safonov, Ramires, Smolnikov, Chernov, Pantaleao, Olsson (Spersyan, 82), Utkin (Suleymanov, 74), Vilena, Gazinskiy, Martinovich, Berg (Sabua, 87).
«Chelsi»: Mendi, Ryudiger, Zuma, Chiluell (Emerson, 81), Aspilikueta, Ziyosh (Abraham, 80), Jorjinyo (Kante, 71), Kovachich (Pulishich, 71), Havers, Hadson-Odoi (Maunt, 71), Verner.
Ogohlantirishlar: Olsson (22), Martinovich (75).

«Istanbul» Turkiya — PSJ Fransiya 0:2
Gollar: 0:1 – 64 Kin, 0:2 – 79 Kin.
«Istanbul»: Gyunok, Rafael, Bolingoli-Mbombo (Kaldirim, 63), Shkrtel, Yepuryanu, O‘zjan, Kahveji, Vishcha, Topal (Ba, 68), Tyuryuch (Aleksich, 81), Krivelli (Juliano, 81).
PSJ: Navas, Kurzava (Bakker, 87), Florensi (Kerer, 73), Kimpembe, Markinyos, Di Mariya (Rafinya, 73), Danilu Pereyra, Errera (Guye, 87), Mbappe, Kin, Neymar (Sarabiya, 26).
Ogohlantirishlar: Krivelli (2), Yepuryanu (49), Topal (54), Kerer (82).