«Tottenxem» yarim himoyachisi Garet Beyl «Brayton»ga qarshi bo‘lib o‘tgan o‘yin (2:1) borasida o‘z fikrini bildirib o‘tdi. Uelslik o‘yinchi mazkur bahsda g‘alaba to‘pini kiritishga muvaffaq bo‘ldi.

«Ajoyib hissiyot. Hamisha maydonga tushib, jamoaga yordam berishni istayman. Men jamoa uchun ishladim va gol urishga muvaffaq bo‘ldim. Regilondan ajoyib uzatma va kerakli paytda kerakli joyda paydo bo‘ldim. Gollar hisobini ochganimdan xursandman.

O‘yindan o‘yinga o‘sib boryapmiz. Xatoga yo‘l qo‘ysak ham, undan xulosa chiqaramiz. Men kam futbol o‘ynadim. Tizzamda kichik muammo bor edi. Bu esa ko‘p vaqtni olmaydi. Men mashg‘ulotda ko‘p ishlayman.

APLda raqobat juda yuqori. Xotirjamlikka berilishga hojat yo‘q. Bir qancha ajoyib klublar bor. Biz shunchaki sidqidildan ishlashda davom etamiz», – dedi Beyl.