Myunxenning "Bavariya" klubi himoyachisi David Alaba mavsum yakuniga yetgach, katta ehtimol bilan jamoani tark etadi.
Myunxen klubi rahbariyati shartnomani uzaytirish taklifini qaytarib oldi. «Biz anchadan beri Alaba va uning maslahatchisi bilan gaplashib keldik. Ular oktyabr oyi oxirigacha pauza qilib turish kerakligin so‘rashgandi», – dedi klub prezidenti Xerbert Xayner.
«Ular bilan muzokara olib bordik va biz bergan taklif ularni qoniqtirmaganini, shuning uchun ular o‘ylab ko‘rish kerakliklarini aytishdi. Shundan so‘ng, biz berilgan taklifni qaytarib olishga qaror qildik. Endi Alabaga shartnomani uzaytirish borasida boshqa taklif bermaymiz», – dedi Xayner.
Sport1 portalining tarqatgan ma’lumotiga qaraganda, «Bavariya» muzokaralarni to‘xtatib qo‘yishi Alaba va uning vakillarini hayratga solgan. Tomonlar o‘rtasidagi munosabat keskinlashdi: agar myunxenliklar taklifni yaxshilamasa, u holda Alaba jamoani tark etadi.
Avstriyalik himoyachining «Bavariya» klubi bilan amaldagi shartnomasi 2021 yilning yozida yakunlanadi. Shu tariqa, Alaba yanvarb oyida boshqa klublar biban muzokara olib borish huquqiga ega bo‘ladi.
