Мюнхеннинг "Бавария" клуби ҳимоячиси Давид Алаба мавсум якунига етгач, катта эҳтимол билан жамоани тарк этади.

Мюнхен клуби раҳбарияти шартномани узайтириш таклифини қайтариб олди. «Биз анчадан бери Алаба ва унинг маслаҳатчиси билан гаплашиб келдик. Улар октябрь ойи охиригача пауза қилиб туриш кераклигин сўрашганди», – деди клуб президенти Херберт Хайнер.

«Улар билан музокара олиб бордик ва биз берган таклиф уларни қониқтирмаганини, шунинг учун улар ўйлаб кўриш керакликларини айтишди. Шундан сўнг, биз берилган таклифни қайтариб олишга қарор қилдик. Энди Алабага шартномани узайтириш борасида бошқа таклиф бермаймиз», – деди Хайнер.

Sport1 порталининг тарқатган маълумотига қараганда, «Бавария» музокараларни тўхтатиб қўйиши Алаба ва унинг вакилларини ҳайратга солган. Томонлар ўртасидаги муносабат кескинлашди: агар мюнхенликлар таклифни яхшиламаса, у ҳолда Алаба жамоани тарк этади.

Австриялик ҳимоячининг «Бавария» клуби билан амалдаги шартномаси 2021 йилнинг ёзида якунланади. Шу тариқа, Алаба январб ойида бошқа клублар бибан музокара олиб бориш ҳуқуқига эга бўлади.