Turinning "Yuventus" klubi rahbariyati Andrea Pirloning taktik tizimiga mos kelmayotgan Sami Xediradan qutilish yo‘llarini qidirmoqda.
Calciomercato portalining yozishicha, «Keksa Sinyora» 33 yoshli germaniyalik futbolchi bilan hamkorlik qilish niyatida emas. «Yuventus» rahbariyati yaqin haftalar ichida futbolchi bilan shartnomani bekor qilishga erishishga umid qilmoqda. Turinliklar futbolchining shartnomasini so‘nggi qadar ushlab turishdan ma’no yo‘q degan fikrdi.
O‘z navbatida germaniyalik futbolchi Italiya chempionatidan ketishni o‘ylamayapti, shu sababli, "Yuventus" rahbariyati Xediraga katta miqdordi kompensasiya to‘lashi kutilmoqda.
