Туриннинг "Ювентус" клуби раҳбарияти Андреа Пирлонинг тактик тизимига мос келмаётган Сами Хедирадан қутилиш йўлларини қидирмоқда.
Calciomercato порталининг ёзишича, «Кекса Синьора» 33 ёшли германиялик футболчи билан ҳамкорлик қилиш ниятида эмас. «Ювентус» раҳбарияти яқин ҳафталар ичида футболчи билан шартномани бекор қилишга эришишга умид қилмоқда. Туринликлар футболчининг шартномасини сўнгги қадар ушлаб туришдан маъно йўқ деган фикрди.
Ўз навбатида германиялик футболчи Италия чемпионатидан кетишни ўйламаяпти, шу сабабли, "Ювентус" раҳбарияти Хедирага катта миқдорди компенсация тўлаши кутилмоқда.
