Angliyaning «Manchester Siti» klubi bosh murabbiyi Pep Gvardiola Gabriel Jezus va Serxio Aguerolarning salomatligi haqida ma’lumot berdi.

Murabbiyning fikriga qaraganda, sentyabr oyidan beri jarohat sababli maydonga tushmayotgan Jezus jamoaning umumiy mashg‘ulotlardagi ishtirokini boshladi.

«U umumiy mashg‘ulotlarimizda ishtirok etishni boshladi. Uning tarkibga qaytganidan xursandmiz», – dedi murabbiy.

Shuningdek, Gvardiola Aguero terma jamoalar o‘yinlari sababli yuzaga keladigan tanaffusdan so‘ng maydonga qaytishini aytib o‘tdi. Argentinalik hujumchi 22 iyun kuni «Byornli» (5:0) klubiga qarshi o‘tgan o‘yinda jarohat olgandi. Undan so‘ng, Agueroni qayta operasiya qilishgandi.

«Orqaga qadam tashlash niyatida emasmiz. «Liverpul»ga qarshi bo‘ladigan o‘yinda maydonga tushadimi yoki yo‘qmi buni bilmayman, lekin terma jamoalarning o‘yinlari sababli yuzaga keladigan tanaffusdan keyin u aniq tayyor bo‘ladi», – dedi ispaniyalik mutaxassis.