Madridning "Atletiko" klubi bosh murabbiyi Diyego Simeone YECHLning 3-tur doirasida Moskvaning "Lokomotiv" klubiga qarshi bo‘lib o‘tadigan o‘yin haqidagi fikrlari bilan o‘rtoqlashdi.

— "Lokomotiv"ning kuchli va kuchsiz tomonlarini bilasizmi?

— Juda raqobatdosh jamoa. Ularning so‘nggi o‘yinlarini tahlil qildik: 14 ta uchrashuvda 5 ta g‘alaba, 4 ta durang va mag‘lubiyatga uchragan 5 ta o‘yinning barchasida bitta gol o‘tkazgan. Ertangi raqibimiz juda yaxshi o‘yin namoyish etadi, ular ochko olishni juda xohlashadi. "Lokomotiv" bir yil ichida kuchaydimi? Raqibni qandaydir tarzda tariflash qiyin. Men ularni faqatgina yaxshi hujum tashkillashtiradigan va yaxshi himoyalanadigan jamoa sifatida tariflashim mumkin. Ular maydonda nima qilish kerakligini biladi, - Simeonening so‘zlaridan iqtibos keltirmoqda "Sport-Ekspress".