Мадриднинг "Атлетико" клуби бош мураббийи Диего Симеоне ЕЧЛнинг 3-тур доирасида Москванинг "Локомотив" клубига қарши бўлиб ўтадиган ўйин ҳақидаги фикрлари билан ўртоқлашди.
— "Локомотив"нинг кучли ва кучсиз томонларини биласизми?
— Жуда рақобатдош жамоа. Уларнинг сўнгги ўйинларини таҳлил қилдик: 14 та учрашувда 5 та ғалаба, 4 та дуранг ва мағлубиятга учраган 5 та ўйиннинг барчасида битта гол ўтказган. Эртанги рақибимиз жуда яхши ўйин намойиш этади, улар очко олишни жуда хоҳлашади. "Локомотив" бир йил ичида кучайдими? Рақибни қандайдир тарзда тарифлаш қийин. Мен уларни фақатгина яхши ҳужум ташкиллаштирадиган ва яхши ҳимояланадиган жамоа сифатида тарифлашим мумкин. Улар майдонда нима қилиш кераклигини билади, - Симеоненинг сўзларидан иқтибос келтирмоқда "Спорт-Экспресс".
