Angliyaning «Manchester Yunayted» klubi bosh murabbiyi Ole-Gunnar Sulsher YECHLning 3-tur doirasida «Istanbul» klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.

«Arsenal» (0:1) klubidan qabul qilib olingan mag‘lubiyatdan keyin butun jamoa g‘azabda. Har bir futbolchiga barqarorlik kerak. Asosiysi – qattiq ishlash va kuchliroq bo‘lishga harakat qilish.

Biz stabil o‘yin namoyish etishni xohlaymiz. O‘tgan yili barqaror ko‘rsatgan o‘yinimiz sababli, APLda uchinchi o‘rinni qo‘lga kiritdik va YECHLga yo‘llanma oldik.

Biz istalgan raqibni mag‘lub etishimiz mumkin. Bizda o‘zimiz xohlagan o‘yin uslubimiz bor. Gohida qog‘ozda bizning taktika 4-4-2, 4-4-3 deb yoziladi. Hamma gap prinsiplarda. Uchta himoyachi bilan o‘ynagan o‘yinmizda ham prinsiplarimiz to‘rtta himoyachi bilan o‘ynayotganimizdek qoladi.

Turkiyada muxlislar juda jonkuyar. Albatta, ular o‘z jamoasini qo‘llab-quvvatlashadi, ular ustunlikka ega bo‘lishadi. Biz esa o‘z muxlislarimizni sog‘indik», – dedi Sulsher.