Angliyaning «Manchester Siti» klubi bosh murabbiyi Pep Gvardiola «Olimpiakos» (3:0) ustidan qo‘lga kiritilgan g‘alaba haqidagi fikrlari bilan o‘rtoqlashdi.

«Birinchi bo‘limda juda yaxshi o‘yin namoyish etdik. Ikkinchi bo‘limda esa o‘yinimiz unchalik yaxshi chiqmadi, lekin ikkinchi golni kiritganimizda uchrashuv taqdiri deyarli hal bo‘ldi.

Biz uchta uchrashuvni yaxshi o‘tkazdik, to‘qqiz ochko jamg‘ardik. Guruh bosqichidan chiqish uchun endi uch, hattoki bir ochko ham biz uchun yetarli. «Liverpul»ga qarshi bo‘ladigan o‘yinga tiklanish uchun ixtiyorimizda besh kun vaqt bor, keyin esa terma jamoalar tufayli tanaffus yuzaga keladi.

Bugun raqibda hisobni tenglashtirish uchun bir yoki ikkita vaziyat bo‘ldi. Agar o‘yinni mana shunday tarzda nazorat qiladigan bo‘lsak, uning taqdirini hal qila olmaymiz. Ikkinchi golni kiritishda muammolar yuzaga keldi, lekin Jezus yana ajoyib gollarni kiritishni boshladi, keyin Kanselu o‘z nomini tabloga yozdirib qo‘ydi va g‘alaba qozondik.

Stounz o‘yinni ajoyib tarzda o‘tkazdi. Uzoq vaqt o‘yin amaliyotsiz qolganiningdan so‘ng, o‘yinni bunday saviyada o‘tkazish deyarli imkonsiz edi», – dedi Gvardiola.