Англиянинг «Манчестер Сити» клуби бош мураббийи Пеп Гвардиола «Олимпиакос» (3:0) устидан қўлга киритилган ғалаба ҳақидаги фикрлари билан ўртоқлашди.
«Биринчи бўлимда жуда яхши ўйин намойиш этдик. Иккинчи бўлимда эса ўйинимиз унчалик яхши чиқмади, лекин иккинчи голни киритганимизда учрашув тақдири деярли ҳал бўлди.
Биз учта учрашувни яхши ўтказдик, тўққиз очко жамғардик. Гуруҳ босқичидан чиқиш учун энди уч, ҳаттоки бир очко ҳам биз учун етарли. «Ливерпул»га қарши бўладиган ўйинга тикланиш учун ихтиёримизда беш кун вақт бор, кейин эса терма жамоалар туфайли танаффус юзага келади.
Бугун рақибда ҳисобни тенглаштириш учун бир ёки иккита вазият бўлди. Агар ўйинни мана шундай тарзда назорат қиладиган бўлсак, унинг тақдирини ҳал қила олмаймиз. Иккинчи голни киритишда муаммолар юзага келди, лекин Жезус яна ажойиб голларни киритишни бошлади, кейин Канселу ўз номини таблога ёздириб қўйди ва ғалаба қозондик.
Стоунз ўйинни ажойиб тарзда ўтказди. Узоқ вақт ўйин амалиётсиз қолганинингдан сўнг, ўйинни бундай савияда ўтказиш деярли имконсиз эди», – деди Гвардиола.
