Avvalroq matbuot orqali "Andijon" futbolchilari "Surxon" jamoasiga qarshi boy berilgan uchrashuvdan so‘ng, klub rahbariyati tomonidan kaltaklanganligi haqida xabarlar tarqalgandi.

O‘zbekiston Futbol Assosiasiyasi birinchi vise-prezidenti, O‘zbekiston Jismoniy tarbiya va sport vazirligi birinchi o‘rinborsari Ravshan Irmatov Sputnik internet narshi uchun bergan intervyusida "Surxon" va "Andijon" jamoalari o‘rtasidagi uchrashuvdan so‘ng biror-bir voqea sodir bo‘lganini eshitmaganini aytib o‘tdi.

"Yo‘q, men bu haqda hech narsa eshitmadim. Agar nimadir ro‘y berganida albatta eshitgan bo‘lardim. Bu noto‘g‘ri, — dedi Irmatov. — Bizda O‘FA tomonidan xizmat safariga yuborilgan, o‘yinni tashkillashtiruvchi shaxs - uchrashuv komissari bor. Agar nimadir ro‘y berganida albatta ular ko‘rgan bo‘lardilar, bunday voqeani ko‘rmay qolishlik - imkonsiz. Agar bu voqea sodir bo‘lganida o‘yin protokoliga yozilgan bo‘lardi. O‘yin protokoliga bunday narsa yozilmagan"-deya qo‘shimcha qildi Ravshan Sayfuddinovich.

"Surxon" jamoasiga qarshi o‘yindan so‘ng, "Andijon" klubi bosh direktori Doniyor Mullajonov jamoa bosh murabbiyi Baxtiyor Hamidullayevning ishdan bo‘shaganligi haqida intervyu bergandi.