Angliyaning «Liverpul» klubi himoyachisi Jo Gomes jiddiy jarohat oldi.
Bugun 23 yoshli himoyachida Londonda muvaffaqiyatli operasiya qilindi. Shifokorlar Angliya terma jamoasining kechagi mashg‘ulotida jarohat olgan himoyachining chap oyoq tizzasini operasiya qilishdi.
«Liverpul» klubining rasmiy bayonotiga qaraganda, Gomesning tizza to‘qimalariga zarar yetmagan. Angliyalik himoyachi klub shifokorlari nazoratida reabilitasiya qilinadi.
Hozirda «Liverpul» futbolchining tiklanishi uchun qancha vaqt talab etilishi haqida aniq ma’lumotga ega emas, biroq Gomes 2020/21 yilgi mavsumning katta qismini o‘tkazib yuborishi kutilmoqda.
Shu tariqa "qizillar"ning ikki muhim himoyachilar uzoq muddatga safdan chiqdi.
Avvalroq, Virdjil van Deyk «Everton» darvozaboni Jordan Pikfordning yetkazgan jarohati sabab mavsumni muddatdan oldin yakunlashga majbur bo‘lgandi.
