O‘zbekiston milliy terma jamoasi Dubay shahrida Iroqqa qarshi o‘rtoqlik o‘yinida maydonga tushib, imkoniyatni boy berdi.

Abramov shogirdlari birinchi bo‘limni yaxshi o‘tkazishdi. Bahsning 40-daqiqasida iroqliklar darvozasi tomon penalti belgilandi. Doston Hamdamov esa 11 metrli jarima zarbasidan hisobni ochdi.

Ikkinchi bo‘limni raqibimiz ancha yaxshi o‘tkazgan bo‘lsa, vakillarimiz asosan himoyalanish bilan band bo‘lishdi. Uchrashuvning 64-daqiqasida Mohanad Ali tomonidan yo‘llangan u qadar kuchli bo‘lmagan zarbani Abduvohid Ne’matov o‘tkazib yubordi.

O‘yin tugashiga 5 daqiqa qolganida esa Rustam Ashurmatov jarima maydonida ichida raqib futbolchisini yiqitdi. Belgilangan penaltini esa Ali Adnan aniq amalga oshirdi. Ne’matov zarba yo‘nalishini topdi, ammo to‘p uning qo‘liga tegib to‘rga borib tushdi.

O‘rtoqlik o‘yini
O‘zbekiston - Iroq - 1:2
Gollar: Doston Hamdamov (39-penalti) — Mohanad Ali (64), Ali Adnan (85-penalti)
Ogohlantirish: Islom Qobilov (77)
O‘zbekiston: Abduvohid Ne’matov, Islom Qobilov, Rustam Ashurmatov, Yo‘ldoshev, Azizjon G‘aniyev, Lutfulla To‘rayev (Murod Xolmuhammedov 74), Sanjar Qodirqulov (Oybek Bozorov 84), Abror Ismoilov (Akmal Mozgovoy 67), Doston Hamdamov (Jaloliddin Masharipov 67), Hojimat Erkinov (Aziz Turg‘unboyev 74), Temurxo‘ja Abduxoliqov (Shahzod Ubaydullayev 84)