Ўзбекистон миллий терма жамоаси Дубай шаҳрида Ироққа қарши ўртоқлик ўйинида майдонга тушиб, имкониятни бой берди.

Абрамов шогирдлари биринчи бўлимни яхши ўтказишди. Баҳснинг 40-дақиқасида ироқликлар дарвозаси томон пенальти белгиланди. Достон Ҳамдамов эса 11 метрли жарима зарбасидан ҳисобни очди.

Иккинчи бўлимни рақибимиз анча яхши ўтказган бўлса, вакилларимиз асосан ҳимояланиш билан банд бўлишди. Учрашувнинг 64-дақиқасида Моҳанад Али томонидан йўлланган у қадар кучли бўлмаган зарбани Абдувоҳид Неъматов ўтказиб юборди.

Ўйин тугашига 5 дақиқа қолганида эса Рустам Ашурматов жарима майдонида ичида рақиб футболчисини йиқитди. Белгиланган пенальтини эса Али Аднан аниқ амалга оширди. Неъматов зарба йўналишини топди, аммо тўп унинг қўлига тегиб тўрга бориб тушди.

Ўртоқлик ўйини
Ўзбекистон - Ироқ - 1:2
Голлар: Достон Ҳамдамов (39-пенальти) — Моҳанад Али (64), Али Аднан (85-пенальти)
Огоҳлантириш: Ислом Қобилов (77)
Ўзбекистон: Абдувоҳид Неъматов, Ислом Қобилов, Рустам Ашурматов, Йўлдошев, Азизжон Ғаниев, Лутфулла Тўраев (Мурод Холмуҳаммедов 74), Санжар Қодирқулов (Ойбек Бозоров 84), Аброр Исмоилов (Акмал Мозговой 67), Достон Ҳамдамов (Жалолиддин Машарипов 67), Ҳожимат Эркинов (Азиз Турғунбоев 74), Темурхўжа Абдухолиқов (Шаҳзод Убайдуллаев 84)