Stadion.uz "Kyoln" jamoasi bayramni qanday qutqarib qolgani haqida fikr almashadi.
Kyoln – Bu Yevropaning eng ko‘hna va o‘zgacha karnavali tashkil etiluvchi shahar. Har yili 11 noyabr soat 11:11 da ushbu shahar aholisi karnavalda ishtirok etish uchun ko‘chaga otilib chiqadi. Afsuski, bu yil buning imkoni bo‘lmadi. Pandemiya sababli shahar meri bayramni bekor qildi. Ushbu shaharning futbol jamoasi vaziyatdan chiqib ketish maqsadida video rolik suratga olishdi. Ushbu rolikda g‘amga botgan masxaraboz huvullab qolgan shaharni kezib yuribdi. Qahramonimiz klubning bayram uchun maxsus sonda chiqargan libosida bo‘sh-bo‘sh shaharni kezib yuradi. Avvalgidek shahar qizil rangga burkanmagan, ko‘chalarda faqat tibbiyot xodimlarigina kezib yurishibdi.
«Tasavvur qiling, siz kulgini yo‘qotib qo‘ydingiz. Bu yil hech qanday ranglar bo‘lmaydi. Hech qanday raqslar ham bo‘lmaydi. Yaxshi kunlar yana qaytadi. Shunday bo‘lsada, bu yil sen yagona masxarabozsan! Shu bois, sen kul! Sening ranglarga to‘la yuraging qattiq urmoqda! Biz karnavalni yakka, biroq birgalikda nishonlaymiz!»-degan so‘zlar aytilayotgan payda, masxaraboz bo‘sh arenada raqsga tushayotgan edi.
Masxaraboz bejizga tanlab olinmagan. Gap shundaki, jamoaning yangi libosi aynan masxarabozlar stilida ishlangan bo‘lib, asosiy urg‘u yorqin ranglarga berilgan. Komplektga 11 ta muhim joylar jam qilingan. Bu yerda shot shlyapasidan tortib, Kyolndagi ibodatxonaga qadar joy egallagan. Sezganingizdek, 11 raqami bu bayram uchun o‘zgacha ahamiyat kasb etadi. Ushbu bayramning tarixiga nazar solsak, barchasi oydinlashadi. Nemis tilida 11 raqami Elf deb aytiladi. Bu so‘z esa, Egalite, Liberte , Fraternite deb kengaytiriladi. Bu so‘zlarning o‘zbek tilidagi ma’nosi esa, Tenglik, ozodlik va do‘stlik ma’nolarini anglatadi.
Ushbu aksiya sababli klub masxaraboz reklama qilgan liboslardan naqd 3 mingtasini sotib yuborishga muvaffaq bo‘ldi. Bu birinchi kun uchun shunchaki fantastik natija. Jamoa bosh direktori Aleksander Verle aytishicha, nemis karnavalining asl egalari Kyoln shahri aholisi ekan.
«Biz pandemiya sababli bayramni nishonlay olmadik, biroq bu bizni yangi libosni ishlab chiqarishimizdan to‘sib qolgani yo‘q. Biz bayramni o‘tkazish uchun qo‘limizdan kelgan barcha ishni qildik. Bu bizning klub muxlislari uchun allaqachon odatiy tusga kirgan.»
Jamoa bayram uchun ishlab chiqargan liboslarining narxini 1,11 yevro etib belgiladi. Ushbu liboslardan tushgan pullar shaharning san’at sohasidagi qurilish ishlari uchun sarf qilishini oldindan rasman e’lon qilindi.
“Biz singari pandemiyadan boshqalar ham katta zarar ko‘rishdi. Ayniqsa, san’at sohasi vakillariga juda og‘ir bo‘ldi. Karnaval ham shahrimizdagi ulkan san’at kuni hisoblanadi.Aynan shu kun egalari uchun ushbu pullar sarflanadi”-deb futbol klubining bosh direktoridan iqtibos keltirmoqda ESPN nashri.
Ushbu klub 2013 yildan beri bayram uchun maxsus liboslar ishlab chiqarmoqda. Har safar ushbu liboslarda hech bo‘lmasa birgina o‘yin o‘tkaziladi.
Yangi komplektda jamoa «Boxum»ga qarshi maydonga tushishga ulgurdi. Bayram soni bo‘lgani uchun erkin ijodga ruxsat berilgan Deyarli har yildan beri, karnaval chog‘ida ishlab chiqariladigan liboslar eng sotiladiganlardan biriga aylanib bo‘ldi.
Ushbu liboslar orasida eng e’tiborga moliklaridan biri sifatida 2018 yilda ishlab chiqarilganini e’tiboringizga havola etamiz
2016 yilda esa, klub shahar bayrog‘ini timsolga aylantirishga uringan.
2015 yilda esa, klub Fransiyadagi terakt qurbonlari xotirasi uchun biroz o‘zgacharoq ko‘rinishdagi liboslarda maydonda to‘p surgan. Faqat biroz kechroq...
