"Chelsi" klubi futbolchisi Kallum Xudson-Odoi Angliya U-21 terma jamoasi a’zosi hisoblanadi va tarkibga kimni olish kerakligi borasida o‘z fikrini bildirdi.
"Angliya hozir bir tekis yo‘ldan bormoqda va bizda hammasi joyida. Lekin bizga yanada sermahsulroq xujumchi kerak. Men bu yerga Musialani tavsiya etgan bo‘lardim. Chunki uni juda yaxshi bilaman. Biz bitta akademiyada katta bo‘lganmiz. O‘z o‘rnida u ham hozirgi tarkib vakillari bilan avval ko‘p o‘ynagan, o‘zaro yaqinlik mavjud. Terma jamoada shunday futbolchilarni ko‘paytirish kerak. Men Musialaga ishonaman. U shu yo‘l bilan kattalar jamoasiga o‘tib olishi mumkin", - deydi Odoi.
Eslatib o‘tamiz, Jamal Musiala Bundesliganing 5 ta bahsida maydonga tushib ikkita gol urishga muvaffaq bo‘lgan.
