Xozirda "Fiorentina" tarkibida harakat qilayotgan Frenk Riberi 2013 yilgi "Oltin to‘p" natijalaridan nororozi. Uningcha bu ishda korrupsiyaga yo‘l qo‘yilgan.
"Mening 2013 yilda erishgan yutuqlarim faoliyatimning eng cho‘qqisi edi. Lekin o‘sha yili mendan "Oltin to‘p"ni tortib olishgan. Menga xaliyam Blatterning xarakatlari shubxali tuyuladi. U bir necha kun davomida Ronalduning uyi yonida paydo bo‘lib qolganining o‘zi g‘alati. Men ahmoq emasman, hammasini ko‘rib-bilib turibman. Bugungi kunda futbol xam siyosatga aylanib ketgan. Lekin o‘sha yili Krishtianudan ko‘ra ko‘proq men bu sovringa loyiqroq edim", - deydi futbolchi.
Eslatib o‘tamiz, Riberi o‘sha mavsum "Bavariya" safida trebl qayd etgan, biroq "Oltin to‘pn"ni qo‘lga kirita olmagan edi.
