Menxengladbaxning "Borussiya" klubi futbolchisi Alassan Pleaning koronavirus uchun topshirgan test natijasi musbat bo‘lib chiqdi.
Xabarda aytilishicha, 27 yoshli fransiyalik futbolchi o‘tgan hafta koronavirusga chalingan.
Hujumchi jamoaning shanba kuni "Augsburg" klubiga qarshi bo‘ladigan o‘yinida aniq maydonga tushmaydi, keyingi o‘yinlarda maydonga tushishi esa so‘roq ostida turibdi.
Plea YECHLning joriy mavsumida "gol+pas" tizimi bo‘yicha yetakchilik qilmoqda. U guruh bosqichida o‘tkazilgan uchta o‘yinda 6 ta golli uzatmani amalga oshirdi.