Fransiya chempionatining 11-turi doirasida «Monako» o‘z uyida «PSJ»ni qabul qilib, ajoyib kambekni amalga oshirdi.

Bahsning 25 va 37-daqiqalarida parijliklarning Kilian Mbappening 2ta goli evaziga oldinga o‘tib olishdi.

Ammo ikkinchi taymda mezbonlar 3ta gol urib, g‘alabani ilib ketishdi. Dastlab 52-daqiqada hujumchi Kevin Folland farqni bittaga qisqartirgan bo‘lsa, oradan 13 daqiqa o‘tib uning o‘zi muvozanatni tikladi. Bahs tugashiga 6 daqiqa qolganida esa hakam "PSJ" darvozasi tomon penalti belgiladi. Sesk Fabregas undan samarali foydalanib, jamoasining g‘alabasini ta’minladi.

Uchrashuvning 39 va 44-daqiqalarida "PSJ" raqib darvozasini 2 marta ishg‘ol qilgan edi. Biroq har ikki holatda VAR ofsayd qayd etib, gollarni bekor qildi.

Ushbu g‘alabadan keyin "Monako" o‘z ochkolarini 20taga yetkazdi. "PSJ" hisobida esa 24 ochko mavjud.

Fransiya chempionati, 11-tur
Monako – PSJ 3:2 (0:2, 3:0)
Gollar: 0:1 – 25 Mbappe, 0:2 – 37, penalti Mbappe, 1:2 – 52 Folland, 2:2 – 65 Folland, 3:2 – 84, penalti Fabregas.
Monako – Mannone, Badiashile, Matsima, Ballo-Ture (Kayo Enrike, 46), Disasi, Diop (Yovetich, 90), Fofana, Jelson Martinsh (Matazo, 90), Tchuameni (Florentinu, 90), Jebbel (Fabregas, 46), Folland.
PSJ – Navas, Dagba, Diallo, Kimpembe, Kurzava (Bakker, 68), Danilu Pereyra (Paredes, 68), Sarabiya, Di Mariya (Neymar, 60), Rafinya (Florensi, 85), Kin, Mbappe (Ruis-Atil, 68).
Ogohlantirishlar: Danilu Pereyra (20), Fofana (35), Ruis-Atil (80), Fabregas (87), Kimpembe (88).
Chetlatish: Diallo (83).