Angliyaning "Liverpul" klubi bosh murabbiyi Yurgen Klopp APL doirasida "Lester" ustidan qo‘lga kiritilgan g‘alaba haqidagi fikrlari bilan o‘rtoqlashdi.
«Bu natijaga haqli ravishda erishdik. Futbolchilarim kuchli bo‘lgan klubga qarshi ajoyib o‘yin namoyish etishdi. Men bunday narsalarni oddiy narsa deb qabul qilmayman.
Biz uchta gol kiritdik va o‘z darvozamiz dahlsizligini saqlab qoldik. Qolaversa, yaxshi himoyalandik va o‘yinni nazorat qildik. Juda ko‘plab ijobiy vaziyatlar bo‘ldi. Hatto ularning qaysi birini ajratib ko‘rsatishni ham bilmayman.
Jarohatlar biz uchun qattiq zarba bo‘ldi. Yarim himoyada ko‘plab yosh futbolchilarga egamiz. Ularning tajribasi yo‘q, bugun o‘yinda buni guvohiga aylandik.
Bugun ko‘proq gol urishimiz kerak edi. Umuman olganda ko‘rsatgan o‘yinimiz, kiritgan gollarimiz va darvozamizning dahlsiz qolgani menga yoqdi. Futbolchilar hujumda doim ham birgalikda ishtirok etishmadi, lekin ular bugun yomon o‘yin namoyish etishmadi», – dedi Klopp.
