Англиянинг "Ливерпуль" клуби бош мураббийи Юрген Клопп АПЛ доирасида "Лестер" устидан қўлга киритилган ғалаба ҳақидаги фикрлари билан ўртоқлашди.

«Бу натижага ҳақли равишда эришдик. Футболчиларим кучли бўлган клубга қарши ажойиб ўйин намойиш этишди. Мен бундай нарсаларни оддий нарса деб қабул қилмайман.

Биз учта гол киритдик ва ўз дарвозамиз даҳлсизлигини сақлаб қолдик. Қолаверса, яхши ҳимояландик ва ўйинни назорат қилдик. Жуда кўплаб ижобий вазиятлар бўлди. Ҳатто уларнинг қайси бирини ажратиб кўрсатишни ҳам билмайман.

Жароҳатлар биз учун қаттиқ зарба бўлди. Ярим ҳимояда кўплаб ёш футболчиларга эгамиз. Уларнинг тажрибаси йўқ, бугун ўйинда буни гувоҳига айландик.

Бугун кўпроқ гол уришимиз керак эди. Умуман олганда кўрсатган ўйинимиз, киритган голларимиз ва дарвозамизнинг даҳлсиз қолгани менга ёқди. Футболчилар ҳужумда доим ҳам биргаликда иштирок этишмади, лекин улар бугун ёмон ўйин намойиш этишмади», – деди Клопп.