Italiyaning turli nashrlarida chiqayotgan maqolalarga ko‘ra, markaziy bahsni boshqarib borgan Paolo Valyeri o‘yinning turli qismlarida jiddiy xatolarga yo‘l qo‘ygani ma’lum bo‘lmoqda.
Xususan, «La Gazette dello Sport» jurnalistlari Zlatanning Kulibaliga nisbatan ishlatgan qo‘pol harakatini kamida sariq kartochkaga tortadi deya baholashmoqda. U yerda to‘p uchun harakat bo‘lmagan va futbolchiga nisbatan qo‘pollik ongli yo‘naltirilgani aytilmoqda. Vaholangki, o‘sha vaziyatda hakam «Napoli» foydasiga aqalli fol ham belgilamagan edi.
Ikkinchi vaziyatda esa qoida bo‘yicha mezbonlar yarimhimoyachisi Tyemuye Bakayokoning olgan qizil kartochkasi noo‘rin deya hisoblanib, uning Teo Ernandesga nisbatan ishlatgan ikkinchi foli sariq kartochkaga tortmasligi ayni paytda bir qancha muxbirlar tomonidan aytildi.
Eslatib o‘tamiz, uchrashuvda bir kishi kam bo‘lib qolgan neapolliklar yakunda «Milan»ga 1:3 hisobida imkoniyatni boy berdi.
