Ukraina terma jamoasining Shveysariya terma jamoasiga qarshi bo‘lib o‘tmagan o‘yiniga 0:3 hisobida texnik mag‘lubiyat yozildi. Bu haqda Ukraina futbol assosiasiyasi UEFA tomonidan yuborilgan qarorga asoslanib xabar bermoqda.
Eslatib o‘tamiz, Millatlar Ligasi doirasidagi Shveysariya – Ukraina terma jamoalari o‘rtasidagi uchrashuv Andrey Shevchenko boshchiligidagi terma jamoa tarkibida koronavirusga chalinganlar soni ko‘payib ketganligi uchun o‘tkazilmagandi. Shveysariyaliklar bu uchun Ukrainadagilar javobgar ekanligini ta’kidlagandi. Yakunda esa UEFA shveysariyaliklar foydasiga qaror chiqardi.
UEFA qarori bilan Ukraina terma jamoasi o‘z guruhining so‘nggi o‘riniga tushib qoldi. Endi ukrainaliklar turnirning keyingi bosqichini "B" divizionda boshlashadi.
