UYEFA Chempionlar ligasi guruh bosqichining 4-tur o‘yinlari yakuni bo‘yicha hafta ramziy jamoasini e’lon qildi.

Ushbu jamoaga "Fantasy Football" virtual o‘yinida ko‘p ball to‘plagan o‘yinchilar o‘rin olishdi. «Atletiko»ga qarshi o‘yinda darvoza daxlsizligini saqlab qolgan «Lokomotiv» posboni Marinato Gilyerme ramziy jamoaga kiritildi.

Ushbu haftada "dubl"ga erishgan «Lasio» to‘purari Chiro Immobile va «Barselona» forvardi Martin Breytueyt hujum chizig‘idan o‘rin olishdi.

YECHL. Hafta ramziy jamoasi (5-3-2):

Darvozabonlar: Marinato Gilyerme («Lokomotiv») — 8 ochko

Himoyachilar: Oskar Vendt («Borussiya» M) — 15 ochko, Niko Elvedi («Borussiya» M) — 15 ochko, Zaydu («Portu») — 14 ochko, Robin Gozens («Atalanta») — 13 ochko, Serjinyo Dest («Barselona») — 13 ochko.

Yarim himoyachilar: Kingsli Koman («Bavariya») — 12 ochko, Lars Shtindl («Borussiya» M) — 12 ochko, Brunu Fernandesh («Manchester Yunayted») — 12 ochko.

Hujumchilar: Martin Breytueyt («Barselona») — 15 ochko, Chiro Immobile («Lasio») — 13 ochko.