Superliganing 25-turi doirasida to‘qnash keladigan raqibimiz "Navbahor" bilan umumiy hisobdagi 26-to‘qnashuv ostonasidamiz.

Bunga qadar namanganliklar bilan jami 25 marotaba duch kelganmiz. O‘zaro o‘yinlardagi natijalarda tarozi pallasi bizning foydamizda. O‘tkazilgan uchrashuvlarning 11tasi bizning g‘alaba bilan yakunlangan bo‘lsa, 7 bahsda durang qayd etilgan va 7 bor raqib yutuqqa erishgan. To‘plar nisbatida ham kichik ustunlik biz tomonda: 35-33.

Ayni paytda turnir jadvaliga e’tibor qaratadigan bo‘lsak, raqibimiz "Navbahor" 24-turdan keyin 33 ochko to‘plagan holda 8-pog‘onada bormoqda. Jamoamiz esa 45 ochko bilan 3-o‘rinda.

"Navbahor"ga qarshi safardagi o‘yinni boshqarish mas’uliyati Ahrol Risqullayevga topshirilgan.